Ardian Kastrati, deputet nga radhët e PDK-së (Partia Demokratike e Kosovës), mbrëmë për shkak të një postimi ka ngjallur një valë reagimesh, pasi postimi përmbante mesazh seksist, shkruan Kosova Post.
Postimi u kuptua si aludim mbi fizikun e Presidentes Vjosa Osmanit, për rrjedhojë seksist e ofendues.
Për këtë shoqëria civile ka mbajtur protestë para hyrjes së rektoratit, duke kërkuar që Kastrati të largohet nga stafi akademik.
“Seksistët nuk duhet të paguhen” – tha ndër të tjera aktivistja Liridona Sjarina, ndërsa e lexoi një tekst ku i renditi kërkesat që shoqëria civile do t’ia adresojë Universitetit “Hasan Prishtina”.
Mesazhi i deputetit Kastrati ishte koment fyes e denigrues, prandaj “nuk mund të trajtohet si rast i izoluar”.
Sipas Sjarinës, kjo vjen për shkak të mendësisë patriarkaliste që është “një ndër shkaktarët e dhunës ndaj grave”.
Ardian Kastrati postimin e tij e ka fshirë qysh mbrëmë, por vala e reagimeve kundër tij, nuk ka pushuar as sot./KosovaPost/