Janë shtuar masat e policisë para rektoratit, ku për pak minuta pritet të nis aksioni i PSD-së.
Partia Socialdemokrate ka paralajmëruar një aksion para Rektoratit sot në ora 09:30.
Në njoftimin e tyre, të njëjtit kanë ftuar mediat që të ndjekin këtë aktivitet të tyre.
“Sot, me datën 11 qershor (e premte), duke filluar nga ora 09:30, Partia Socialdemokrate do të mbajë aktivitet. Takohemi pranë Rektoratit të Universitetit të Prishtinës. Ju ftojmë që ta ndiqni aktivitetin”, thuhet në njoftimin e PSD-së.
Ky aksion i PSD-së vjen një ditë pas liturgjisë që është mbajtur në Kishën që ndodhet në oborr të Universitetit të Prishtinës.
UP-ja ndërkaq ka paralajmëruar veprime ligjore.