Ndryshimi i klimës, së bashku me aktivitetet e Rusisë dhe Kinës, po rrisin vëmendjen e NATO-s në Arktik, tha Sekretari i Përgjithshëm i NATO-s Jens Stoltenberg gjatë një fjalimi në Këshillin Atlantik të Uashingtonit, transmeton Kosova Post.
Kujtojmë se, Këshilli Atlantik është një organizatë që është shpallur e padëshirueshme në Rusi.
“Shkrirja e akullit, së bashku me praninë e shtuar ushtarake ruse dhe interesat e Kinës në Arktik, natyrshëm rrisin interesimin e NATO-s, për këtë pjesë” tha sekretari i përgjithshëm i NATO-s, Stolntenberg.
Stoltenberg vuri në dukje se pikërisht për shkak të kësaj, vendet anëtare të NATO-s po monitorojnë ngjarjet në Arktik duke rritur vëmendjen dhe duke rritur praninë e tyre në atë rajon.
“Aleatët tanë po investojnë në mundësi të reja, nga avionët ushtarakë në nëndetëset patrulluese dhe gjithçka që është e nevojshme në mënyrë që të vazhdojnë praninë e tyre në rajon,” theksoi ai.
Duhet të kujtojmë se Ministria e Punëve të Jashtme të Rusisë vazhdimisht ka tërhequr vëmendjen për faktin se Arktiku po bëhet më i arritshëm për shkak të ndryshimit të klimës dhe shkrirjes së akullit, dhe se po vërehet prani e shtuar e forcave të armatosura të vendeve tjera.
Moska është gjithashtu e mendimit se nuk ka potencial për konflikt në Arktik, dhe kështu nuk ka sfida që do të kërkonin një prani të shtuar ushtarake të shteteve jo-Arktike, shkruan Spuitnk,rs./ Kosova Post/
