Presidenti rus Vladimir Putin ende dëshiron të pushtojë pjesën më të madhe të Ukrainës, thonë agjencitë e inteligjencës amerikane.
Trupat e Moskës janë dobësuar aq shumë nga luftimet, megjithatë, saqë zyrtarët amerikanë thonë se ata janë në gjendje të bëjnë vetëm fitime të ngadalta territoriale.
Kjo do të thotë se lufta mund të zgjasë për një kohë të gjatë, thotë Drejtoresha e Inteligjencës Kombëtare Avril Haines, raporton BBC.
Në mars, Moska i ripërqendroi përpjekjet e saj në kapjen e zonës së Donbasit të Ukrainës, pasi dështoi të merrte Kievin dhe qytete të tjera.
“Putin ka ende të njëjtat synime si ato që kishte në fillim të konfliktit, të marrë pjesën më të madhe të Ukrainës”, tha zyrtarja e lartë e inteligjencës amerikane.