Një video e re e presidentit rus Vladimir Putin që dyshohet të ketë qenë i dehur dhe diskutonte për luftën Rusi-Ukrainë është parë mbi 820 mijë herë
Videoja, e postuar nga një përdorues i quajtur Dmitri, thotë se “Putini i dehur shpjegon pse sulmet kundër infrastrukturës ukrainase do të vazhdojnë”.
“Të gjitha marrëzitë, përplasjet informative, hedhjet informative, të gjitha falsifikimet – ato duhet të qëndrojnë mënjanë”, tha presidenti rus ndërsa mbante një gotë të mbushur. Ata nuk duhet të na pengojnë të përmbushim detyrën tonë ndaj popullit tonë”.
Gazetari i CBC, Evan Dyer tha se ishte shumë e çuditshme ta shohësh Putinin të dehur në publik.
“Është shumë e çuditshme ta shohësh Putinin të dehur në publik. Të qenit esëll në një vend ku pihet shumë është thelbësore për imazhin e tij publik. Ishte kontrasti kryesor që ai bëri mes vetes dhe Jelcinit. Një pjesë e madhe e thirrjes së tij, veçanërisht për gruan e shumëvuajtur ruse. Por pa dyshim, ai është dehur këtu”, shkroi ai në Twitter.
Drunk putin explains why strikes against Ukrainian infrastructure will continue because “they started first by attacking the Crimean bridge” pic.twitter.com/fQeRuNo4Pu
— Dmitri (@wartranslated) December 8, 2022
Ekonomisti dhe autori Anders Aslund tha gjithashtu se është hera e parë që ai e ka parë Putinin “të dehur në çdo kontekst”.
“Ai flet marrëzi si zakonisht, por duket se e kupton se është një dështak”, tha Aslund. “Shumë interesant dhe premtues. Të gjithë rusët do ta shohin se ai është i dehur dhe i dobët”.
“Uaa. Asnjëherë nuk e kam parë Putinin të dehur më parë, madje as nuk kam dëgjuar që ai të dehet (ai mburrej se nuk vë pije në gojë)”, shkroi në Twitter Redaktorja Globale e Revistës New Lines, Amie Ferris-Rotman. “Gjërat me sa duket po shkojnë shumë keq në Ukrainë”.
Putini ka qenë i njohur ndër vite për mbajtjen e një diete të rreptë dhe përmbajtja nga veset si droga dhe alkooli.