Qeni me emrin Ping Pong shpëtoi jetën e një djali të porsalindur i cili u varros nga nëna e tij, një adoleshente, në Tajlandën verilindore në mënyrë që të shpëtojë prej tij, njoftoi policia, shkruan Daily Mail transmeton Kosova Post.
Djali i vogël u varros nën një shtresë plehrash jo shumë larg nga një fermë në Champuang County, por Ping Pong e gjeti atë të njëjtën ditë, 15 maj. Qeni filloi gërmimin dhe lehjen, duke tërhequr vëmendjen e pronarit të tij, një bari, i cili u afrua për të parë se çfarë kishte gjetur.
Unë mendoj se qeni e gjeti atë menjëherë pasi nëna e varrosi – tha oficeri i policisë Panuvat Udkam, duke shtuar se fëmija ishte vendosur në spital dhe ishte mirë me shëndet.
Ndaj nënës 15 vjeçare ka filluar procedura penale për vrasje në tentativë dhe braktisje të fëmijës.
Ajo akuzohet se dëshironte të hiqte qafe atë, sepse kishte frikë se prindërit e saj do të ishin të zemëruar me të, tha ai.
Qentë konsiderohen si shoku më i mirë i njeriut, dhe shumë herë deri më tani ata kanë dëshmuar se janë heronj më të mëdhenj se vetë njerëzit.