Në mbledhjen e mbajtur të Qeverisë të Republikës së Kosovës është miratuar propozim vendimi për formimin e Këshillit Organizativ për manifestimin e Epopesë së UÇK-së, me datë 5,6 dhe 7 mars 2022.
Kryeministri i Kosovës, Albin Kurti ka dhënë edhe emrat e Këshillit Organizativ të cilit do t’i prij ministri i Mbrojtjes, Armend Mehaj.
Ndër të tjerash Kurti tha se Epopeja e UÇK-së ndryshoi historinë për mbarë të Kosovës.
“Epopeja e UÇK-së e ndryshoi historinë për mbarë dhe e bëri popullin bashkë”, u shpreh ai.
Kjo është përbërja e propozuar nga Kryeministri Kurti:
Kryesues: Armend Mehaj, Ministër i Mbrojtjes
Anëtarët:
Donika Gërvalla, Ministre e Punëve të Jashtme dhe Diasporës
Fadil Nura, kryetar i Komunës së Skënderajt
Albulena Haxhiu – Ministre e Drejtësisë
Hajrulla Ceku – Ministër i Kulturës
Xhelal Sveçla – Ministër i Punëve të Brendshme dhe Administratës Publike.
Bashkim Jashari – Komandat i FSK-së
Drejtori i Agjencisë për Menaxhimin e Komplekseve
Vlen të përmendet se Kryeministri ka ftuar të dërgojnë përfaqësues edhe nga Zyra e Presidencës, Kuvendi i Kosovës, Komuna e Prishtinës, Asociacioni i Komunave të Kosovës, Organizuarat e dala nga lufta dhe organizatat e shoqërisë civile.