Kryetari i Mitrovicës, Agim Bahtiri, ka reaguar pas sulmit që ka ndodhur sot në pjesën veriore të vendit, përkatësisht në Zubin Potok ndaj grupit të aplinistëve “Kosova Mountain Club”, përcjell Kosova Post.
Bahtiri iu ka bërë thirrje organeve të sigurisë dhe drejtësisë që t’i ndërmarrin të gjitha veprimet e nevojshme që të zbardhet ky rast dhe kryerësit të dalin para drejtësisë.
“Të gjithë së bashku dhe secili veç e veç, duhet të kontribuojmë çdo ditë që gjithë qytetarët e Kosovës pa dallime etnike apo fetare, të jetojnë të qetë në shtetin e tyre”, ka shkruar Bahtiri në Facebook.