Kryeministri në detyrë i Republikës së Kosovës, Avdullah Hoti, ka reaguar në lidhje me rrahjen e djalit e politikanit serb, Nenad Rashiq, shkruan Kosova Post.
Hoti përmes një shkrimi në Facebok, ka thënë se dhuna është e papranueshme dhe e dënueshme, duke bërë kështu thirrje që hetuesia të kryejë punën dhe të nxirren përpara drejtësisë kryesit e veprës.
Postimi i plotë:
Dhuna është e papranueshme dhe e dënueshme.
Rasti i rrahjes së Nikolla Rashiqit, i biri i Nenad Rashiqit, ishte një akt i papranueshëm dhe si i tillë duhet të trajtohet dhe hetohet nga organet kompetente, ndërsa kryesit e këtij akti duhet të përballen me forcën e ligjit.
