Lëvizja Vetëvendosje me degë në Podujevë, ka reaguar kundrejt Agim Veliut, ku po pretendojnë se Veliu po manipulon zgjedhjet në këtë qytet, shkruan Kosova Post.
Agim Veliu me vetura të ministrisë angazhohet për manipulim të zgjedhjeve në Podujevë.
Përmes një reagimi në Facebook, LVV po thonë se në shkolla të ndryshme në Podujevë, janë parë deri tani 16 vetura të Ministrisë së Punëve të Brendshme të cilat po keqshfrytëzohen nga LDK duke implikuar rëndë procesin zgjedhor.
Tutje ata kanë ftuar prokurorinë që sa më shpejt të merren me këtë rast dhe ndërhyrjet flagrante që po vijnë veçmas nga Ministria e drejtuar prej Veliut.
Reagimi i plotë, pa ndërhyrje:
Në shkolla të ndryshme të Podujevës ku edhe po zhvillohet procesi zgjedhor, në secilën nga ato janë parë deri tani 16 vetura të Ministrisë së Punëve të Brendshme të cilat po keqshfrytëzohen nga LDK e Agim Veliut duke implikuar rëndë procesin zgjedhor.
Resurse dhe mekanizma të ndryshme shtetore po keqpërdoren nga LDK për t’i arritë qëllimet e tyre.
Veturat e MPB nën direktivat e Agim Veliut janë kthyer në shërbim të fushatës zgjedhore.
Veprimet e tilla janë rreptësisht të ndaluara.
Ftojmë prokurorinë që sa më parë të merret me këtë rast dhe ndërhyrjet flagrante që po vijnë veçmas nga Ministria e drejtuar prej Veliut.
Njëherit ftojmë KQZ-në që të reagoj sa më parë në mënyrë që të mos lejoj deformimin dhe abuzimet e vazhdueshme që po organizohen nën autoritetin zyrtar të shtetit nga LDK.
