Deputeti i PDK-së, Elmi Reçica ka takuar përfaqësuesit e nëndegës së kësaj partie në Argau të Zvicrës.
Në një postim në Facebook, Reçica shprehet se në këtë takim kanë diskutuar për vizionin e ri të PDK-së për diasporën dhe për koordinimin e plotë me bashkëatdhetarët për të ardhmen e vendlindjes.
“PDK do të hapë nëndegët e saj në çdo lokalitet ku jeton diaspora jonë dhe së bashku do të hartojmë politikat e reja në të mirë të qytetarëve tanë në diasporë për kthimin e dijes dhe kapitalit të tyre në vendlindje.”, shkruan Reçica.
Postimi i plotë:
Partia Demokratike e Kosovës, nëndega në Argau të Zvicrës janë duke punuar për tu qëndruar afër të gjithë bashkëardhetarëve tanë në këtë Kanton.
Në takim me përfaqësuesit e kësaj nëndege diskutuam për vizionin e ri të PDK-së për diasporën dhe për koordinimin e plotë me bashkëatdhetarët tanë për të ardhmen e vendlindjes.
PDK do të hapë nëndegët e saj në çdo lokalitet ku jeton diaspora jonë dhe së bashku do të hartojmë politikat e reja në të mirë të qytetarëve tanë në diasporë për kthimin e dijes dhe kapitalit të tyre në vendlindje.