Në vikendin që lamë pasë u raportua se Cristiano Ronaldo iu është vetë-servuar skuadrës spanjolle, Barcelona, shkruan KosovaPost.
Sulmuesi 36 vjeçar është duke shijuar momentet jo të mira tek skuadra e Manchester United, kjo pasiqë skuadra angeleze ka pësuar shumë humbje këtë edicion, për të rënë jashtë Top 4 së Premier League, ku aspak i kënaqur me këtë situatë është sulmuesi portugez.
Por, lajmin se Ronaldo iu është vetë-servuar Barçës e ka mohuar Fabrizio Romano, i cili ka shkruar në llogarinë e tij në Facebook se kjo është 1 Prilli i spanjollëve dhe në këtë nuk ka asnjë të vërtetë.
“Jo, Cristiano Ronaldo nuk i është ofruar Barcelonës… dhe është vetëm një nga shumë lajmet e rreme që do të shihni në orët në vijim …sot është versioni spanjoll i ditës së gënjeshtrave të prillit”, ka shkruar Romano.
Vlen të theksohet se sulmuesi portugez iu ka bërë të ditur drejtuesve të klubit të Man Utd se nuk do të jetë pjesë e klubit nëse ata nuk do të kualifikohen në Champions League.
