Ronaldo: Salah mund ta fitojë Topin e Artë këtë vit

Ronaldo: Salah mund ta fitojë Topin e Artë këtë vit

Cristiano Ronaldo beson se sensacioni i Liverpoolit, Mohamed Salah, është konkurrent i mirëfilltë për ta thyer dominimin një dekade të gjatë të tij dhe Lionel Messit në garë për Topin e Artë.

Salah ka gëzuar një sezon ta mahnitshëm debutues për Liverpoolin, duke e fituar Këpucën e Artë në Premierligë dhe shënuar 44 gola në të gjitha garat, transmeton Express.

Forma e tij e jashtëzakonshme e egjiptianit iu ndihmoi “Të kuqve” ta arrijnë një finale befasuese të Ligës së Kampionëve kundër Real Madridit të Ronaldos, por ëndrra e bukur e tij përfundoi në lot pasi lëndimi në krah e detyroi ta braktiste shumë herët ndeshjen e humbur 3-1 në Kiev.

Ronaldo, i cili i ka ndarë me Messin nga pesë Topa të Artë secili që prej vitit 2008, shpreson se egjiptiani do të jetë shëndoshë dhe i gatshëm për Kupën e Botës.

“Salah ka qenë ndër zbulimet e vitit”, ka thënë Ronaldo.

“Shpresoj se lëndimi në finale në Kiev nuk do ta mbajë jashtë Botërorit”, shtoi ai.

“Shumë njerëz flasin për betejën për Topin e Artë mes Cristiano Ronaldos dhe Lionel Messit, por ka edhe lojtarë tjerë që kanë shanse për t’u futur në garë. Salah natyrisht është njëri ndër ta”, theksoi Cristiano.

You may also like

Trump: ‘Marreveshjet me Saudine na mbajne me mijera vende pune’

Presidenti Trump ka reagur per rastin Khashikci dhe