Rritet çmimi i naftës, niveli më i lartë që nga viti 2014

Rritet çmimi i naftës, niveli më i lartë që nga viti 2014

Çmimet e naftës po qëndrojnë në rritje edhe në sesionin e sotëm, duke prekur njëkohësisht nivelin më të lartë në tre vitet e fundit.

Dy bençmarkët kryesorë po mbështeten nga tensioni në Lindjen e Mesme, pavarësisht shenjave për një rritje të prodhimit në SHBA. Vetëm gjatë 3 sesioneve të fundit, nafta Brent ka fituar rreth 5.7% të vlerës, duke prekur nivelin e 71.3 dollarë për fuçi.

Nafta Bruto amerikane po tregtohet në rreth 65.5 dollarë për fuçi. Shtetet e Bashkuara të Amerikës dhe aleatët po konsiderojnë sulme ajrore kundër forcave të presidentit sirian, Bashar al-Assad, pas dyshimeve se gjatë fundjavës u krye një sulm me gaz helmues ndaj civilëve. Agjencia pan-Europiane e kontrollit të trafikut ajror, Eurocontrol, deklaroi se sulme ajrore dhe me raketa nga toka mund të kryhen brenda 72 orëve.

Siria nuk është një prodhues i rëndësishëm i naftës, por çdo shenjë e konfliktit në rajon mund të shkaktojë çrregullime të furnizimit me naftë nga Lindja e Mesme. Çmimet po mbështeten lehtë edhe nga mundësitë që Shtetet e Bashkuara të Amerikës të rivendosin sanksionet ndaj Iranit. Por, megjithatë analistët paralajmërojnë se, jo të gjithë indikatorët sugjerojnë se, çmimet e naftës do të vijojnë rritjen, shkruan scan.tv.

Rezervat e naftës në SHBA u rritën me 1.8 milionë fuçi, gjatë javës që u mbyll më 6 prill, në totalin e 429.1 milionë fuçive. Analistët parashikonin një rënie me 189,000 fuçi. Agjencia për Informimin mbi Energjinë në SHBA deklaroi se, prodhimi i brendshëm i naftës do të rritet më shumë se vlerësimet paraprake, gjatë vitit 2019.

You may also like

Palestinezi që pranoi dhuratë nga Erdogan gjymtohet nga ushtarët izraelitë

Alaa al-Dali, një i ri palestinez në Rripin