Si përgjigje ndaj aksionit të NATO-s, edhe Rusia do të do të vendosë rreth 20 formacione dhe njësi të reja ushtarake, në pjesën strategjike tha Ministri rus i Mbrojtjes, Sergei Shoigu.
Ai deklaroi se kërcënimi ushtarak në drejtimin strategjik perëndimor vazhdon të rritet. Vendet e NATO-s, të drejtuara nga Shtetet e Bashkuara, po rrisin intensitetin e fluturimeve strategjike të aviacionit, praninë e anijeve luftarake me raketa lundrimi dhe numrin e stërvitjeve ushtarake.
“Veprimet e kolegëve tanë perëndimorë po shkatërrojnë sistemin e sigurisë në botë dhe na detyrojnë të marrim kundërmasa adekuate. Ne vazhdimisht forcohemi në përbërjen luftarake të ushtrisë. Rreth 20 formacione dhe njësi të reja ushtarake do të formohen në Rrethin Ushtarak Perëndimor deri në fund të vitit,” tha ministri.
Shoigu zbulon se si ushtria ruse tejkaloi ushtritë më të forta në botë
Ai shpjegoi se këto ngjarje ishin “sinkronizuara me instalimin e armëve moderne dhe pajisjeve ushtarake”. Ushtria në pjesën Perëndimor ka në plan të furnizojë njësitë me rreth 2,000 armë “.
Shoigu përmendi gjithashtu se Forcat e Armatosura të Rusisë vazhdimisht po avancojnë ushtarët dhe komandën ushtarake përmes trajnimeve.
“Intensiteti i stërvitjes luftarake në anijet e Flotës Baltike është rritur me 30 për qind. Më shumë se 200 ushtrime u kryen duke përdorur lloje të ndryshme të armëve. Ndërsa stërvitjet e aviacionit janë rritur me katër përqind,” tha ministri.
Ai deklaroi se një rritje e kërcënimeve ushtarake është vërejtur në drejtimin strategjik perëndimor dhe se intensiteti i fluturimeve të bombarduesve strategjikë të Forcës Ajrore Amerikane në Evropë është rritur 14 herë në shtatë vitet e fundit.
Sipas tij, anijet e NATO-s me armë raketore po hyjnë sistematikisht në Detin Baltik. Në të njëjtën kohë, Shtetet e Bashkuara dhe NATO vazhdojnë të zgjerojnë fushën e trajnimit operativ dhe luftarak pranë kufijve të Rusisë.
“Vitet e fundit, numri i trajnimeve është rritur me një herë e gjysmë. Aktualisht, trajnimi më i madh për 30 vitet e fundit, ‘Defender Europe-2021’, është duke u zhvilluar, në të cilin po marrin pjesë 40,000 ushtarë. Qëllimi i tyre kryesor është transferimi i të gjithë divizionit nga Shtetet e Bashkuara në Evropë,” shpjegoi Shoigu.
