Zyrtarja e Shëndetësisë publike rajonale e Corpus Christi, Annette Rodriguez tha se në mesin e rasteve me COVID-19, gjenden të paktën 85 foshnja të moshës nën 1-vjeç.
Ajo nuk informoi se si janë infektuar foshnjat. “Këto foshnja ende nuk i kanë mbushur 1 vjet. Ju lutem na ndihmoni në parandalimin e përhapjes së kësaj sëmundjeje”, u shpreh ajo.
Rodriguez bëri thirrje që mos të udhëtohet nëse nuk është e detyrueshme, të respektohet distanca sociale dhe mbajtja e maskës në vendet publike.
Guvernatori i Teksasit, Greg Abbott tha se mbajtja e maskës do të parandalojë orën policore.
Deri më tani në Teksas janë infektuar 317.730 persona nga COVID-19 ndërsa 3.865 e kanë humbur jetën. (AA)
