Në Prishtinë është shënuar 76 vjetori i themelimit të Bibliotekës Kombëtare të Kosovës.
Ministrja e Kulturës, Rinisë dhe Sportit, Vlora Dumoshi, tha se do të kërkojë rrugë të përkrahjes dhe se do ta mbështesë bibliotekën në projektin e digjitalizimit.
“Për të konfirmuar mbështetjen qe biblioteka do ta ketë në mision e saj. Ky vend është tempull i dijës ku kanë studiuar gjenerata të tërë intelektualësh. Këtë vit edhe pse në kohë pandemie, kam munduar t’u qëndroj pranë, e kam rritur buxhetin e këshillit të librit, kam iniciuar themelimin e qendrës së librit. Ndikimi që pati pandemia në Bibliotekën Kombëtare vuri në pah nevojën për sigurimin e qasjes në materiale të digjitalizuara. Zotohem se do të kërkoj rrugë të përkrahjes dhe do të mbështes bibliotekën në projektin e digjitalizimit”, shtoi ajo.
Për profesor Anton Çetën ajo tha se është figurë e madhe e kombit shqiptar.
“Kam emocion të veçantë sepse profesor Çeta ishte mik i familjes sonë, qëndroi pranë nesh në periudhat më të vështira. Andaj Donikë, edhe pse i patëm e nuk i patëm shumë gjatë, jemi si fëmijë të detyruar ta trasojmë rrugën e tyre, e sidomos të profës Anton Çetës”, tha ajo.
Gjithashtu ajo ka hapur dy ekspozita në nder të 100 vjetorit të lindjes se profesor Anton Çetës.kk
