“Potamophylax coronavirus” është emri i insektit të zbuluar nga biologu nga Kosova Halil Ibrahimi, shkruan Kosova Post.
Lajmin për publikimin e artikullit në revistën prestigjioze “Biodiversity Data Journal”, e ka bërë ai vetë në llogarinë e tij në rrjetin social Facebook.
“Sot është publikuar lloji im më i ri i insekteve i zbuluar nga Lumbardhi i Deçanit në Bjeshkët e Nemuna.
Edhe pse i zënë para disa vitesh, është përshkru tek gjatë vitit të kaluar dhe sivjet, kryesisht gjatë kohës së izolimit për shkak të pandemisë. Nga këtu vjen edhe emri i llojit, Potamophylax coronavirus, si përkujtim i kohës kur është zbulu” – ka shkruar ai ndër të tjera.
Ai ka shpjeguar simbolikën e vënies së emrit, meqë ai “potencon edhe një pandemi tjetër, që është duke ndodhur në lumenjtë e Kosovës, e në veçanti në Lumbardhin e Deçanit, si rezultat i ndotjes, degradimit dhe keqmenaxhimit të hidrocentraleve. Në kuadër të punimit janë bërë edhe analizat molekulare të krejt grupit ku bën pjesë ky lloj, krahas atyre morfologjike. Prania e këtij lloji tregon për pasurinë e madhe të biodiversitetit në Kosovë, e cili fatkeqësisht është duke u rrezikuar ndjeshëm.”
Dr. Ibrahimi ka bërë të ditur se punimi i tij ka ardhur si rezultat i një bashkëpunimi të shkëlqyeshëm te grupit të Zoologjisë të Departamentit të Biologjisë.
Ky nuk është zbulimi i tij i vetëm i patentuar në këtë fushë./KosovaPost/
