Kriza energjetike, e cila ka prekur mbarë botën, po ndihet thellë edhe në Kosovë. Për këtë arsye, nxënësit shkollës “Maarif” në Prishtinë zhvilluan një projekt të quajtur “Parandaloni humbjen e energjisë elektrike për të ardhmen tuaj” transmeton KosovaPost.
Ky projekt ka për qëllim informimin e qytetarëve për mënyrën se si ta kursejmë energjinë elektrike.
Këshilli i Nxënësve të Shkollës Maarif në Prishtinë, fillimisht përgatitën broshurë informuese duke hyrë në të gjitha klasat dhe shpërndarë informacine për shokët e tyre rreth përdorimit efikas të energjisë. Pastaj, në kuadër të këtij projekti, anëtarët e Këshillit të Nxënësve të Shkollës, dërguan të njëjten broshurë të gjithë prindërve të shkollës, duke i ndihmuar ata që të vetdijësohen në lidhje me këtë çështje.
Gjithashtu, stafi teknik i shkollës “Maarif” në Prishtinë, ndërmori një hap shembullor në uljen e përdorimit të energjisë elektrike duke ulur në një numër të mjaftueshëm të gjitha dritat në klasa, laboratorë dhe zyra.
