Instrumentet meteorogjike mbrëmë në Evropë shënuan rritjen rapide të presionit atmosferik si pasojë e ardhjes së valës goditëse nga Oqeani Pacifik, valë kjo e shpërndarë në tërë globin, përcjell KosovaPost.
Ky impakt është shumë i rrallë në aspektin e presionit atmosferik, gjegjësisht në aspektin meteorologjik, prandaj meteorologët mbrëmë përjetuan një ngjarje që mund ta përjetojnë një herë gjatë jetës së tyre.
Po ashtu edhe në imazhet satelitore mbrëmë dhanë shfaqje që shihen jashtëzakonisht rrallë ose që nuk janë parë asnjëherë më parë. Një prej tyre ishte krijimi i një vranësire gjigande vullkanike e cila prodhoi të paktën 10 000 rrufe. Vranësirat vullkanike ishin të ngarkuara sikur të ishin stuhi shiu me vetëtima dhe bubullima masive. Edhe vrojtimi satelitor i valës goditës ishte diçka e paparë deri më tani nga meteorologët anëmbanë globit
Erupcioni vullkanik ishte aq i fortë sa që arriti deri në stratosferë.
Vala goditës erdhi mbrëmë edhe në Ballkan ku meteorologë të shumtë lajmëruan për rritjen e menjëhershme të presionit atmosferik për disa çaste nga kjo valë goditëse. Gjërat pastaj u kthen menjëherë në normalitet, por kjo na përkujton se sa të pafuqishëm jemi përballë forcave destruktive të natyres.
Alarme për cunami i dhanë për shumë pjesë të bregut perëndimore të Shteteve të Bashkuara të Amerikes.
