Shkruan: Abdullah Klinaku
Zoti e mëshiroftë Presidentin e Emirateve të Bashkuara Arabe, shtetin i cili e ndihmoi me mbi 70 milion euro vendin tonë, njofton Kosova Post.
Sheikh Khalifa bin Zayed Al-Nahyan, Zoti e mëshiroftë, i cili ndërroi jetë sot është Presidenti i Emiratet e Bashkuara Arabe, shteti me investimet më të mëdha në objektet shëndetësore në Republikën e Kosovës dhe ndër donatorët më të mëdhenj me ndihma direkte për familjet dhe popullin e Kosovës.
Emiratet e Bashkuara Arabe, në Kosovë kanë ndërtuar Spitalin “Sheikh Zayed” në Vushtrri në vlerë prej 12 milion euro. Ndërsa e kanë renovuar në vlerë prej 6 milion euro.
Emiratet e kanë ndërtuar donacion Spitalin e Pediatrisë në Prishtinë në vlerë prej 22 milion euro.
Emiratet gjatë vitit 1999-2001 kanë investuar në;
1. Ndërtimin dhe renovimin e 994 shtëpive
2. Ndërtimin dhe renovimin e 29 xhamive.
3. Ndërtimin dhe renovimin e gjashtë shkollave.
4. Ndihmë direkte financiare për familjet direkt pas luftës.
5. Rehabilitim të rrugëve, parqeve e hapësirave publike.
6. Objekte shëndetësore nëpër fshatra të ndryshme.
7. Pajisje mjekësore.
8. Punësim, paga e bursa si dhe
9. Material ushqimor e ndërtimor.
Gjithë ky kontribut sipas raporteve zyrtare të raportuara apo konfidente kap shumën marramendëse të ndihmës që ky shtet mik i ka ofruar Kosovës.
Vetëm gjatë vitit 1999-2000 shuma e ndihmës ka qenë: 32.885.097,50 euro.
Ndërsa që nga viti 2003 deri në vitin 2021 shuma e investimeve ka qenë rreth; 38.000.000 milion euro.
Emiratet e Bashkuara Arabe në Kosovë në total kanë investuar mbi; 70 milion euro.
Shpresoj që institucionet vendore do të publikojnë reagimet e tyre dhe do të jenë pjesëmarrës në ceremoninë e varrimit.