Kuvendi në Tiranë diskutoi rezolutën e propozuar nga Partia Socialiste qeveritare, që dënon genocidin serb kundër boshnjakëve myslimanë në Srebrenicë.
Rezoluta quan të papranueshme dhe të rrezikshme retorikën nacionaliste, nxitjen e urrejtjes etnike nga mohimi i genocidit në Srebrenicë.
Kryetari i deputetëve socialistë Taulant Balla përjashtoi pranimin e amendamenteve që vijnë siç vërejti nga ish-udhëheqësi at’kohë Sali Berisha si lejues i kontrabandës të naftës për makinerinë e Sllobodan Millosheviqit. Rezoluta dënon gjithashtu krimet dhe genocidin në ish-Jugosllavi dhe në mbarë Kosovën.
Deputeti Balla tha se duhet të dëshmohet me vepra vullneti dhe angazhimi për t’i dhënë fund pandëshkueshmërisë së krimeve të luftës dhe vënë pas hekurave të gjithë kriminelët. “U detyrohemi jo vetëm më shumë se 8 mijë civilëve të pafajshëm që u masakruan në Srebenicë, por edhe mbi 10 mijë shqiptarëve të vrarë dhe 20 mijë grave shqiptare të dhunuara gjatë spastrimit etnik në Kosovë duke filluar nga masakra e Prekazit në Skënderaj, e pastaj me radhë dhjetëra masakara të tjera që tronditën botën si në Reçak, në Rahovec, në Krushë të Madhe e në Krushë të Vogël, në Mejë e deri në çlirimin e Kosovës”-tha ai.
Deputeti i Partisë Demokratike Sali Berisha kritikoi rezolutën se anashkalon Kosovën për shkak të “Ballkanit të Hapur” dhe lidhjeve të kryeministrit Edi Rama me presidentin Aleksandër Vuçiq, që shtoi se duhet dënuar në Hagë për deklaratën e vrasjes së 100 myslimanëve për çdo serb të vrarë: “Flisni për vrasjet në Kosovë dhe jo genocid në Kosovë? Çfarë është kjo?! Ç’e keni këtë kompleks pse kreu juaj është shndërruar në një tellall dhe vasal i Aleksandër Vuçiqit apo se ndiqni edhe ju “Ballkanin e Hapur”, “Ballkanin e Hapur” për krimin, “Ballkanin e Hapur” për Serbinë, “Ballkanin e Hapur” për hegjemoninë serbe, “Ballkanin e Hapur” për influencë ruse”.
Në fjalitë e përgjithshme Kuvendit shpreh dhimbjen e thellë për viktimat dhe traumat njerëzore të shkaktuara nga gjenocidi në Srebrenicë, si dhe mirëkuptimin e plotë dhe simpatinë e sinqertë ndaj tërë të lënduarve gjatë luftës së përgjakshme në Bosnjë dhe Hercegovinë. Pas rreth dy orësh diskutime në seancë plenare rezoluta shpall 11 Korrikun “Ditën e Përkujtimit të genocidit në Srebrenicë”.
