Pas tre ditësh pa asnjë humbje jete nga COVID, në 24 orët e fundit është shënuar sërish një viktimë. Me gjithë përpjekjet e stafit mjekësor betejën nuk e ka fituar 1 qytetar, 73 vjeç nga Berati.
MSH raporton se janë regjistruar 11 raste të reja nga 2,915 testime të kryera në total. Rastet pozitive të konfirmuara janë identifikuar në këto bashki: 3 raste në Tiranë, 2 raste në Gjirokastër, Cërrik, 1 rast në Malësi e Madhe, Durrës, Berat, Kuçovë.
Aktualisht po marrin trajtim spitalor 22 pacientë, nga të cilët 6 pacientë janë në terapi intensive. Në 24 orët e fundit janë shëruar 22 qytetarë, duke e çuar numrin e të shëruarve në 129,807 që nga fillimi i epidemisë.abcnews