Bennet Nura 17 vjeç, është shqiptari i parë që tashmë i ka arritur emri në planetin Mars. Në vitin 2020 para se raketa AtlasV të nisej për në planetin Mars, NASA ka hapur konkurs për të gjithë banorët e botës në rast se vërtetohet se aty do të mund të zhvillohet jeta.
Mes 100 mijë njerëzve ka konkurruar edhe Bennet, i cili tashmë është përzgjedhur të jetë ndër banorët e parë zyrtarë të këtij planeti, njëherësh shqiptari i parë, nëse në të ardhmen aty do të ketë jetë.
Benneti tha për RTK-Radio se tashmë ka dy pasaporta. Një të NASA-s dhe një që mban shtetësi holandeze, pasi ai jeton në Holandë.
“Ideja e këtij konkursi Ishte që të zgjidhen 100.000 banorë virtual të Marsit, nga 7.8 miliardë banorë që ka bota. Këta të përzgjedhur, tashmë janë edhe banorë zyrtarë të këtij planeti, ku në mesin e tyre jam edhe unë”, tha ai.
