Policia e Kosovës ka arritur që të lokalizojë vendndodhjen e të dyshurit për vrasjen ndaj gruas shtatzënë, në oborrin e Gjinekologjisë, raporton KosovaPost.
Këtë e ka konfirmuar Ministri i Punëve të Brendshme, Xhelal Sveçla, përmes një njoftimi në faqen e tij zyrtare në Facebook i cili tha se dorasi ka refuzuar të dorëzohet dhe i njëjti ka kryer vetëvrasje.
“Pas një pune intensive të të gjitha njësiteve të Policisë së Kosovës është arritur që të lokalizohet vendndodhja e vrasësit Sokol Halili. Përkundër tentativës së zyrtarëve policor që të negociojnë dorëzimin, dorasi vret veten.
Policia e Kosovës si dhe Inspektorati Policor i Kosovës do të vazhdojnë hetimet për zbulimin e gjitha rrethanave të vrasjes së gruas shtatzënë dhe vetëvrasjes së dorasit.”, ka njoftuar Sveçla./KosovaPost/