Sekretari i NATO-s, Jens Stoltenberg, ka bërë të ditur se ka biseduar me përfaqësuesin e lartë të Bashkimit Evropian Josep Borrelin për situatën e krijuar në vëri të Kosovës.
Ai tha se Prishtina dhe Beogradi duhet të angazhohen në dialogun e udhëhequr nga BE tani, siç tha ai si e vetmja rrugë drejt paqes dhe normalizimit.
“Fola me Josep Borrellin për Kosovën. Prishtina dhe Beogradi duhet të angazhohen në dialogun e udhëhequr nga BE tani, si e vetmja rrugë drejt paqes dhe normalizimit. Prishtina duhet të de-përshkallëzojë dhe të mos ndërmarrë hapa të njëanshëm destabilizues”, shkroi Stoltenberg.