Sekretari i Përgjithshëm i NATO-s, Jens Stoltenberg, duke tërhequr vëmendjen për rritjen e çmimeve të ushqimit dhe energjisë për shkak të Luftës Rusi- Ukrainë, tha: “Ne e paguajmë çmimin me para ndërsa ukrainasit paguajnë për këtë me jetën e tyre”, transmeton Kosova Post.
Sekretari i Përgjithshëm i NATO-s Jens Stoltenberg dhe kancelari gjerman Olaf Scholz, të cilët u mblodhën në Berlin, kryeqytetin e Gjermanisë, mbajtën një konferencë të përbashkët për shtyp pas takimit të tyre. “Lufta e paligjshme e Rusisë në Ukrainë vazhdon të shkaktojë vdekje dhe mjerim çdo ditë”, tha Stoltenberg. “Me afrimin e dimrit, Rusia po bombardon infrastrukturën energjetike të Ukrainës dhe po përpiqet t’i mbajë ukrainasit të ftohtë dhe të uritur.”
Duke theksuar se presidenti rus Vladimir Putin përdor dimrin si armë, Stoltenberg vuri në dukje se Putini nuk duhet lejuar të fitojë. Stoltenberg tha: “Në këtë moment kritik, mbështetja jonë e vazhdueshme për Ukrainën është më e rëndësishme se kurrë. NATO nuk është palë në konflikt. Ne nuk do të tërhiqemi në luftën e Putinit. “Ne qëndrojmë pranë Ukrainës në vetëmbrojtje, një e drejtë e sanksionuar në kartën e OKB-së,” tha ai.
Duke deklaruar se Gjermania është ndër aleatët që ofron ndihmën më të madhe ushtarake, financiare dhe humanitare për Ukrainën, Stotlenberg tha: “Pajisjet ushtarake të ofruara nga Gjermania mbrojnë shtëpitë, shkollat dhe spitalet në Ukrainë kundër sulmeve me raketa ruse, tha ai.
“Ne e paguajmë çmimin me para ndërsa ukrainasit paguajnë për këtë me jetën e tyre”
Duke thënë se aleatët e NATO-s janë të vendosur të vazhdojnë mbështetjen e tyre për Ukrainën që të dalë fitimtare si një shtet sovran dhe i pavarur, Stoltenberg tha: “Ne e dimë se mbështetja që japim në Ukrainë ka një çmim. “Rritja e faturave të ushqimit dhe energjisë do të thotë kohë të vështira për shumë prej nesh, por ndërsa ukrainasit po paguajnë me jetën e tyre, ne po paguajmë me para,” tha ai.
“Detyra e NATO-s është të mbështesë Ukrainën”
Duke thënë se nëse Putini fiton luftën, kjo do të inkurajonte liderët autoritarë të përdorin forcën për të arritur qëllimet e tyre, Stoltenberg tha: “Kjo do ta bënte botën më të rrezikshme. “Për të parandaluar që lufta të përshkallëzohet përtej Ukrainës, detyra e NATO-s është të mbështesë Ukrainën,” tha ai.
Duke iu referuar sabotimit të tubacioneve Nord Stream, Stoltenberg tha se sabotimi u kujton të gjithëve cenueshmërinë e tubacioneve, “Në përgjigje të kësaj, NATO ka dyfishuar numrin e anijeve që patrullojnë në Detin e Veriut dhe atë Baltik”, tha ai.
Duke deklaruar se ai mirëpret përpjekjet për krijimin e Qendrës së Infrastrukturës Nëndetëse të NATO-s, një iniciativë gjermano-norvegjeze, Stoltenberg tha: “Një qendër e tillë do t’u sigurojë aleatëve një ndërgjegjësim më të mirë të situatës”.
