Sulmi mbi Kongres, dëshmitarja: Trump donte mbështetës të armatosur
Një super dëshmitare për sulmin në Kapitolin e Shteteve të Bashkuara më 6 janar 2021. Ajo është Cassidy Hutchinson, asistente e shefit të shtabit të Shtëpisë së Bardhë në kohën e Donald Trump. Sipas deklaratave të saj live, Donald Trump inkurajoi mbështetësit e armatosur të marshonin drejt ndërtesës së Kapitol, për të përmbysur rezultatin e zgjedhjeve, duke urdhëruar heqjen e detektorëve të armëve në hyrje të ndërtesës
Sipas Hutchinson, presidenti jo vetëm që ishte i vetëdijshëm për gravitetin e situatës, me dhjetëra njerëz të armatosur, por ai kishte ndërmarrë edhe hapa për të siguruar që ata të mos çarmatoseshin.
“Nuk më intereson që janë të armatosur. Nuk janë këtu për të më lënduar. Hiqini detektorë. Ata mund të marshojnë drejt Kapitolit” – Ishin këto disa nga urdhërat e Trump – tha Dëshmitarja, e cila gjithashtu tregoi edhe momente të tjera dhune kur Trump ishte i zemëruar që varësit e tij nuk kishin mundur të gjenin manipulime në votim nga mbështetësit e Joe Biden
Komisioni parlamentar hetimor që heton faktet po kërkon një lidhje midis sulmit ndaj Kapitolit dhe përpjekjeve të Trump për të penguar Kongresin të certifikonte rezultatet e zgjedhjeve. Dëshmitë e ardhshme, të thirrura për të konfirmuar ose mohuar rrëfimin e Hutchinson, mund të jenë vendimtare.
