Kryeministri i Kosovës, Albin Kurti, nuk ka komentuar lidhur me takimin me vendet e QUINT-it, ndërsa ka theksuar se të tri institucionet, Presidenca, Kryeministria dhe Kuvendi i Kosovës do të dalin me deklaratë të përbashkët për takimin e sotëm me ambasadorët e QUINT-it, transmeton Kosova Post.
Kryeministri bëri të ditur se do të thërret seancë të jashtëzakonshme të Kuvendit të Kosovës.
“Posa patëm një takim me ambasadorët e QUINT-it dhe atë të BE-së. Në takim ishim të pranishëm presidentja Osmani, kryekuvendari Konjufca dhe unë si kryeministër dhe dy zëvendëskryeministrat Bislimi dhe Gërvalla. Pas këtij takimi , të tri institucionet do të dalim me një komunikatë të përbashkët për shtyp dhe pas kësaj do të mund të ju përgjigjemi në pyetjet e juaja.Ndërkaq unë tani po shkoj në kryeministri për të përgatitur thirrjen e një seancë të jashtëzakonshme të Kuvendit të Republikës për nesër në ora 14:00”, tha Kurti.
