Komandanti i Forcave të Sigurisë së Kosovës, gjenerallejtënant, Bashkim Jashari, është takuar me homologun e tij nga KFOR-i, Özkan Ulutaş.
“Në kuadër të bashkëpunimit me KFOR-in, sot, komandanti i Forcës së Sigurisë së Kosovës gjenerallejtënant Bashkim Jashari ka pritur në takim komandantin e KFOR-it gjeneral major Özkan Ulutaş” thuhet në komunikatën e FSK-së.
“KOMFSK fillimisht i uroi mirëseardhje gjeneral Ulutaş dhe e uroi për detyrën e KOMKFOR. Me këtë rast, gjeneral Jashari, informoi Komandantin e KFOR-it, për planet, angazhimet aktuale të FSK-së, dhe planet e zhvillimit në vijim”.
Të dy gjeneralët kanë diskutuar për zhvillimet e sigurisë në Kosovë dhe për thellimin e bashkëpunimit.
“Gjeneralët, po ashtu, shkëmbyen diskutime edhe rreth zhvillimeve të sigurisë në vend dhe rajon”.
“Gjeneral Jashari dhe Gjeneral Ulutaş, konfirmuan gatishmërinë për vazhdim dhe rritje të bashkëpunimit të ndërsjellë në mes të FSK-së dhe KFOR-it, dhe u zotuan që kjo të jetë në funksion të sigurisë dhe paqes në vend dhe me gjerë”.
