Televizioni shtetëror suedez SVT ka zhvilluar intervistë me Salih Muslim, një nga liderët e organizatës terroriste YPG/PKK, në bazën ushtarake amerikane në veri të Sirisë ku fshihet, transmeton KosovaPost.
Në intervistën e SVT-së me Muslim në një kohë kur po diskutohen rezervat e Turqisë për anëtarësimin e Suedisë në NATO, kreu i organizatës terroriste shprehet se ata i besojnë Suedisë.
Në raportimin e televizionit shtetëror suedez, Muslim pohon se Suedia nuk do ta pranonte kurrë YPG-në si organizatë terroriste për anëtarësimin në NATO dhe nuk do t’i përgjigjej pozitivisht kërkesave të Turqisë për anëtarësimin në NATO.
Salih Muslimi nuk ka dashur t’i përgjigjet pyetjes së gazetarit nëse YPG-ja është e lidhur me PKK-në.
Në pamjet e realizuara nga televizioni shtetëror suedez në rajon, tërheqin vëmendjen edhe fotot e liderit të organizatës terroriste PKK, Abdullah Öcalan, të varura në shumë vende./AA
