Ish-kryeministri britanik Tony Blair i ka përshkruar premtimet e presidentit amerikan Joe Biden për t’i dhënë fund “luftërave të përjetshme” përmes politikave të tilla si largimi nga Afganistani si një “slogan politik” transmeton Kosova Post.
Tony Blair në një fjalim në institutin ushtarak “Royal United Services Institute” kritikoi motivet amerikane për t’i dhënë fund pranisë ushtarake në Lindjen e Mesme, duke e quajtur atë një pretendim mëndjelehtë.
Ish-kryeministri britanik tha se ka raste kur prania e forcave tokësore është e nevojshme dhe nuk është gjithmonë e mundur të mbështetesh në forcat lokale. I pyetur nëse ishte kritik ndaj politikave të Joe Biden, Blair tha se kishte “shumë respekt” për presidentin amerikan, por se premtimi për “përfundimin e luftës së përjetshme” nuk ishte një mënyrë e mirë për të përcaktuar politikën.
Talebanët hynë në Kabul më 15 gusht pas largimit të Ashraf Ghani, ish presidentit të Afganistanit.
Analistët e shohin ardhjen e forcave talebane si fundin e një përpjekjeje 20-vjeçare nga Shtetet e Bashkuara dhe shtetet e tjera perëndimore për të rindërtuar Afganistanin në një mënyrë që i përshtatet Perëndimit./KosovaPost/.