Trembëdhjetë emigrantë ilegal kapen në autostradën Kumanovë-Tabanoc

Trembëdhjetë emigrantë ilegal kapen në autostradën Kumanovë-Tabanoc

Pjesëtarët e Policisë Kufitare kanë kapur 13 emigrantë nga Iraku pardje në mëngjes në afërsi të pompës së benzinës në autostradën Kumanovë-Tabanoc.

Emigrantët janë kapur pas njohurive të marra për kontrabandë të emigrantëve nga ana e shërbimeve policore nga Policia Kufitare, përcjell Telegrafi Maqedoni.

Nga MPB thonë se emigrantët kanë qenë pa dokumente, nëntë prej tyre kanë qenë burra, dy gra dhe dy fëmijë.

“Emigrantët janë marrë në pyetje dhe sipas rrëfimit të tyre, person i panjohur i ka kërcënuar dhe nga çdonjëri prej tyre ka marrë 3 mijë euro për t’i bartur në kufirin grek afër. I njëjti i ka mashtruar dhe me dhunë i ka shkarkuar në afërsi të pompës së benzinës në drejtim të kalimit kufitar Tabanoc”, thuhet në njoftimin e MPB-së.

Me urdhër të Prokurorisë Publike, emigrantët si viktima të kontrabandës përkohësisht janë strehuar në Qendrën pranuese për të huaj në Shkup.

You may also like

Harrojini motrat Vjollca, mbesa e tyre ju lë ‘pa mend’

Moderatoret e njohura, Luana dhe Marina Vjollca janë