Sipas raportit të policisë së Kosovës në 24 orët e fundit janë raportuar tri raste të dhunës në familje
Rastet janë në Malishevë dhe Mitrovicë e Veriut, transmeton Kosova Post.
Malishevë, 18.09.2021 – 19:30. Me datën 20.09.2021 është arrestuar i dyshuari mashkull kosovar për shkak të dyshimit se në vazhdimësi kishte ushtruar dhunë psikike ndaj bashkëshortes së tij viktimës femër kosovare e cila kishte vendosur të largohej nga shtëpia. Nga i dyshuari është sekuestruar një pistoletë dhe i njëjti pas intervistimit me urdhër të prokurorit është liruar në procedurë të rregullt.
Malishevë, 20.09.2021 – 12:25. Është arrestuar i dyshuari mashkull kosovar për shkak se kishte ushtruar dhunë fizike ndaj bashkëshortes së tij viktimës femër kosovare, e cila si pasoj ka pranuar tretman mjekësor. I dyshuari me vendim të prokurorit është dërguar në mbajtje për 48 orë.
Mitrovicë Veri, 15.09.2021 – 17:05. Viktima femër kosovare me datën 20.09.2021 ka raportuar se djali i saj i mitur i dyshuari mashkull kosovar, kishte shkaktuar dhunë në familje dhe thyer gjësende në shtëpi. I dyshuari përveç dhunës kishte kanosur viktimën se do të ia vu zjarrin shtëpisë saj. Pas intervistimit me vendim të prokurorit i dyshuari është dërguar në mbajtje për 24 orë. Rasti vazhdon të hetohet./KosovaPost/