Në raportin 24-orësh, Policia e Kosovës ka bërë të ditur se janë shënuar tri raste të falsifikimit të parave, raporton KosovaPost.
Të tria rastet kanë ndodhur në kryeqytet. Në lagjen “Lakrishtë”, gjatë zbrazjes së bankomatit janë hasur disa kartëmonedha të cilat janë dyshuar se janë të falsifikuara.
Sipas informacioneve nga Policia, bëhet fjalë për kartëmonedha, 5, 50, 20 dhe 66 euro.
Ndërsa, rasti tjetër ka ndodhur në rrugën “Enver Maloku”, rreth orës 09:26 të mëngjesit, ku gjatë numërimit të një shumë parash janë gjetur tri kartëmonedha nga 100 dhe 50 euro.
Në rrugën “Agim Ramadani” në orën 15:00, është lajmëruar rasti në Polici ku një klient ka deponuar një monedhë false prej 500 eurosh.
Me vendim të Prokurorit të Shtetit, që të tria rastet po vazhdojnë të hetohen./KosovaPost/
