Shefi i inteligjencës së ushtrisë së Jemenit ka deklaruar se forcat e varura nga koalicioni agresor saudit dhe mercenarët e tyre nuk kanë rrugë tjetër, përveçse të dorëzojnë armët dhe t’i bashkohen popullit jemenas, transmeton Kosova Post.
Kanali televiziv Al Masira njoftoi se Abdullah Al-Hakim ditën e diele në një takim me krerët e disa fiseve në provincat Dhimar dhe Al-Bejda në jug të Jemenit, ka theksuar: “Me afrimin e kohës së çlirimit të provincës Meareb, duhet treguar tolerancë dhe mirësjellje ndaj atyre të cilët për çfarëdo arsye i janë bashkuar forcave të koalicionit agresor saudit dhe duhet të krijohen kushte të përshtatshme që ata në gjirin e popullit dhe nuk duhet lejuar armiku t’i keqpërdorë ata. Aktualisht provincat Dhimar dhe Bejda’e janë shndërruar në një korridor për qarkullimin e mercenarëve saudit në drejtim të provincës Meareb, që duhet të parandalohet një gjë e tillë.
Lakmitë e Amerikës, regjimit sionist dhe mercenarëve të tyre për të plaçkitur pasuritë e Jemenit është bërë shkak që ata të përdorin komplote ushtarake, ekonomike, politike, madje edhe përçarjen e fiseve të ndryshme. Pavarësisht këtyre komploteve, deri më tani janë shënuar suksese të mëdha në të gjitha fushat ushtarake dhe mercenarët nuk kanë rrugë tjetër përveçse të dorëzohen në mënyrë që të amnistohen nga ana e popullit jemenas”.
