Edhe sot në Kosovë vazhdojnë aktivitete që shënojnë ditët e lavdisë së luftës së Kosovës për liri.
Kështu sot për nder të 24-vjetorit të Epopesë së UÇK-së sot do të mbahen organizime të ndryshme.
Në Prekaz do të mbahet manifestimi “Nata e Zjarreve”. Koncerti mbahet në sheshin “Adem Jashari”, në Skenderaj në ora 18. Ndërkaq ndezja e flakadanit bëhet në Kompleksin memorial “Adem Jashari”.
Ndezje të flakadanit do të ketë edhe në Kazermën “Adem Jashari” në Prishtinë, në po t1% njëjtën orë, pra 18.
Në ora 12, në kuadër të shënimit të Epopesë së UÇK-së, Liga e Veteranëve të Futbollit të Kosovës organizon turneun “Të gjithë vëllezërit së bashku”, në Kampin Edukativ Nacional në Hajvali.
