Shërbimi Spitalor Klinik e Universitar i Kosovës ka bërë të ditur se vitin e shkuar në Klinikën e Onkologjisë të Qendrës Klinike Universitare të Kosovës, u trajtuan 1 mijë e 626 pacientë si raste të reja me sëmundje malinje, përcjell KosovaPost.
Sipas SHSKUK’së, prej tyre, 400 raste ishin të identifikuara me kancer në gji, 214 raste me kancer në mushkëri, 391 raste me kancer në traktin gastrointestinal, 419 raste me kancer në sistemin urgjenital dhe gjinekologjik, si dhe 205 raste me kancer në regjionin kokë-qafë.
Gjatë vitit 2021, gjithashtu, në Klinikën e Onkologjisë ishin të shtrirë 356 pacientë për trajtim.
“Nga janari deri në dhjetor në këtë klinikë janë ofruar mbi 300 mijë shërbime të ndryshme onkologjike, mes tyre 105 seanca të brahiterapisë, mbi 11 mijë seanca të rrezatimit, më shumë se 29 mijë terapi me citostatikë dhe më tepër se 1 mijë pacientë janë trajtuar me radioterapi”, thuhet nga SHSKUK.
Malinjet janë grup i tumoreve, nga latinishtja Malingnens-me veprim te keq ; Kur ato rriten shpejt dhe formojnë Metastaza. Këto tumore ndërhyje ne funksionin normal te organeve ne te cilat ato janë lokalizuar duke shkaktuar shpesh edhe Vdekje.
