Si çdo vit tjetër edhe kësaj radhe, Prishtina nuk ka mbetur pa u dekoruar për festat e fundvitit. Tashmë po të dalësh në mbrëmje tek sheshi i kryeqytetit, kado që shikon do shohësh secila pjesë ndriçon me drita, derisa nuk mungojnë edhe dy pishat, njëra në sheshin “Ibrahim Rugova” e tjetra tek sheshi “Skenderbeu”, raporton KosovaPost.
Dekorimi i sheshit, ende nuk ka përfunduar dhe nuk është se dallon shumë nga ai i vitit të kaluar, megjithatë shpenzimet sigurisht se nuk mungojnë, pavarësisht se si vendoset të dekorohet sheshi, më pak apo më me shumë drita dhe zbukurime.
Secilit nga ne, pothuajse iu pëlqen dekorimi i sheshit, kjo mund të dallohet shumë lehtë, për faktin se çdo mbrëmje ka një numër jo edhe të vogël njerëzish të cilët e frekuentojnë sheshin orëve të mbrëmjes, veçmas fëmijët janë ata të cilët edhe iu gëzohen festave të fundvitit, gjithashtu shkrepin edhe fotografi.
Lidhur me shifrën se sa është harxhuar nga buxheti i komunës së Prishtinës për këtë vit për dekorimet në Prishtinë, KosovaPost ka kontaktuar me Gëzim Sveçlën, shefin e asambleistëve nga Lëvizja Vetëvendosje në komunën e Prishtinës.
Në përgjigjen e tij, për KosovaPost, Sveçla tha se nuk kanë ndonjë informacion se sa është shpenzuar për këtë vit, për faktin se nuk është përmendur kjo çështje në kuvend, ndërsa sa i përket ekzekutivit nuk kanë ndonjë informatë.
Tutje, ai shtoi se vitin e kaluar buxheti për dekorimin e qytetit ka qenë rreth 70.000 mijë euro. Pavarësisht asaj se dekorimi i sheshit duhet të bëhet në mënyrën më të bukur, Sveçla tha se këtë vit duhet pasur paraysh edhe kursimin e energjisë elektrike.
“Edhe dekorim të qytetit por edhe kursim të energjisë për aq sa është e mundur kjo”, tha ai./KosovaPost/
