Vlerat e kastravecave turshi në mbrojtjen e organizmit

Vlerat e kastravecave turshi në mbrojtjen e organizmit

Kastravecët turshi janë të shijshëm dhe shumë të preferuar nga dashamirësit e turshive apo ushqimeve të kripura.

Kastravecët turshi janë një zgjedhje e përshtatshme për ata që tregojnë kujdes me ushqimin. Ky perceptim vjen si pasojë e vlerave shëndetsore të kastravecave që ruhen gjatë fermentimit.

Kastravecat turshi konsiderohen një burim i mirë probiotikësh dhe përmbajnë antioksidantë.

Kastravecat kanë shumë ujë në përmbajtjen e tyre dhe pak kalori. Një kastravec i madh përmban më pak se 100 kalori, e megjithatë ka shumë vlera ushqyese.

Nëse i konsumoni të freskët apo si turshi, kastravecat janë të shëndetshëm. Turshitë mund t’i përfshini në sallata ose t’i konsumoni veçmas.

Për shëndetin e kockave dhe kapilarëve

Një racion me kastraveca turshi ofron më shumë vitaminë K se një racion me kastraveca të freskët.

Trupi e përdor vitaminën K për të aktivizuar enzimat që janë përgjegjëse për rritjen dhe zhvillimin e qelizave, por edhe për shëndetin e kockave dhe kapilarëve. Kjo vitaminë luan një rol të rëndësishëm në mbarëvajtjen e qarkullimit të gjakut dhe humbjes së tij.

Një racion me kastraveca të ëmbël përmban 72.1 mikrogramë vitaminë K ose 58 përqind të dozës ditore të rekomanduar për burrat dhe 80 përqind për gratë.

Një racion me feta kastravecash ofron 17.1 mikrogramë të vitaminës K ndërsa një racion me kastraveca turshi ofron 60.4 mikrogramë.

Për tiroiden dhe shëndetin e syve

Kastravecët turshi kanë më shumë vitaminë A se kastravecat e freskët. Kastravecët e ëmbël në veçanti janë shumë të pasur me këtë vitaminë. Një racion ofron 1,169 njësi të vitaminës A ose 39 përqind të dozës ditore për burrat dhe 50 për qind të dozës ditore për gratë.

Një racion me feta kastravecësh turshi ofron 284 njësi të vitainës A ndërsa kastravecat e freskët ofrojnë 109 njësi të kësaj vitamine për çdo racion. Vitamina A ndihmon në zhvillimin e qelizave të reja, rregullon funksionet e tiroides dhe ndihmon shëndetin e syve.

Përgatitja e Kastravecave Turshi

3 kastraveca të mëdhenj, (ose 1 kg kastraveca te vegjël)

2 thelpinj hudhër

pak majdanoz

1 lugë e mesme kripë (për një kavanoz)

1 lugë e madhe uthull

pak limon

ujë të valuar

Procesi

Për këtë recetë na duhen dy kavanoza në madhësi mesatare.

Sipas dëshirës, kastravecat nëse janë të mëdhenj i presim në rathë, në rast se marrim kastraveca të vegjël i lëmë siç janë. Pasi i kemi pastruar, për të dyja versionet e madhësisë së kastravecave veprojmë njëlloj.

Më pas, kastravecave u hedhim hudhër, majdanoz, kripë, uthull.

Pasi të jetë mbushur kavanozi, u hedhim sipër ujin e valuar, derisa të mbulohen përbërësit.

Më pas secilit perj kavanozave hedhim edhe disa pkika limoni. Më pas, kavanozat i mbyllim fort dhe i lëmë për dy ditë në një vend të errët. Pas dy ditësh i fusim në frigorifer dhe janë gati për tu konsumuar