Presidentja e Republikës së Kosovës, Vjosa Osmani-Sadriu ka ftuar takimin e Këshillit për Demokraci dhe të Drejta të Njeriut pas rasteve të fundit të dhunës dhe vrasjeve të grave.
Në këtë takim i cili nis në orën 19:00, janë ftuar krerët e institucioneve të Kosovës, institucioneve të drejtësisë dhe përfaqësues të shoqërisë civile.
Ky takim vjen pas vrasjes së 35-vjeçares shtatzënë, Hamide Magashi, e cila u vra dy ditë më parë nga ish-burri i saj Sokol Halili, para Klinikës së Gjinekologjisë në Prishtinë.
