Policia e Kosovës ka dhënë informacion rreth rastit tragjik që ndodhi sot brenda oborrit të QKUK-së.
Zëdhënsja e Policisë së Kosovës, Flora Ahmeti tha për “Bota sot”, se ngjarja ka ndodhur rreth orës 18:00. Sipas saj bëhet fjalë për një grua 35 vjeçare dyshimet e ngritura sugjerojnë se bëhet fjalë për vrasje.
“Rreth orës 18:00, kemi pranuar informatën për një trup të pajetë, në oborrin e QKUK-së në Prishtinë.
Policia menjëherë ka dalë në vendin e ngjarjes si dhe ekipi mjekësor të cilët kanë konstatuar vdekjen e viktimës, femër, rreth 35 vjeç. Mbështetur në informacionet e para, dyshimet e ngritura sugjerojnë se bëhet fjalë për vrasje.
Aktualisht policia në koordinim me prokurorin e shtetit ka nisur një hetim dhe po vijon ndërmarrjen e të gjitha veprimeve hetimore dhe të ekzaminimit, me qëllim sqarimin e plotë të ngjarjes”, ka thënë Ahmeti për “Bota sot”.
Një person ka vrarë gruan shtatzënë para objektit të Gjinekologjisë në Prishtinë.
Merret vesh se ky rast ka ndodhur para objektit të Gjinekologjisë në Prishtinë.