Edhe sonte sikurse mbrëmë emisioni “Politiko me Kushtrim Sadiku” po mbahet live nga Ohri i Maqedonisë së Veriut, atje ku tashmë ka mbërritur Kryeministri Kurti e ku nesër do të mbahet takimi i radhës Kurti-Vuçiq.
Gazetari dhe autori i emisionit, Kushtrim Sadiku në edicionin e sotëm të emisionit “Politiko” ka deklaruar se Kryeministri Kurti tashmë ka mbërritur në Ohër por jo edhe Vuçiq, pasi që ka pasur një takim me qytetarë atje.
“Nesër në ora 10 nisin takimet ku së pari do të takohet Kryeministri Kurti me Borrell dhe Lajçak, pastaj Vuçiq me Borrell dhe Lajçak, e pastaj takimi i përbashkët Kurti- Vuçiq”, ka thënë Sadiku.
Sadiku ka thënë po ashtu se sonte kemi të ftuar edhe gazetarë që nuk janë pjesë e Kanal10 siç është Idro Seferi, i cili ka thënë se pika që kontestohet në Serbi janë anëtarësimi i Kosovës në Organizata Ndërkombëtare.
“Për Serbinë e rëndësishme është që të formohet Asociacioni i Komunave Serbe. Ajo gjendet në një trysni të jashtëzakoshme nga faktori ndërkombëtar BE-së dhe sot këtë e pranoj edhe Presidenti Vuçiq në një takim në Serbi duke thënë se pozita e tij do të jetë e vështirë pas ngritjes së fletarrestit për Presidentin rus”, ka thënë Seferi.
