‘Nëse dikush mendon se stabiliteti në Ballkanin Përendimor arrihet duke e mposhtur Serbinë, kjo nuk do të jetë e mundur’, tha presidenti i Serbisë Aleksandër Vuçiq, transmeton Kosova Post.
Tutje ka shtuar Vuçiq se nuk beson që njohja e Kosovës do të kontribuonte në stabilitetin e rajonit.
Kur u pyet në lidhje me përgjimin e pretenduar nga individë nga Ministria e Brendshme, kur Ministri aktual i Mbrojtjes, Nebojsha Stefanoviq, ishte në krye të saj, Vuçiq tha, “ju do të shihni dhe do të shihni gjithçka”, shkruan Novosti rs. “Dhe gjithçka do të jetë e qartë. Do të shihet se kush ka vepruar ligjërisht dhe kush ka vepruar në mënyrë të paligjshme, prandaj le të gjykojnë vetë qytetarët. Ju do ta shihni në ditët dhe javët përpara nesh, dhe përndryshe unë jam padyshim i gatshëm”, tha Vuçiq./ Kosova Post/
