Aleksandër Vuçiq, president i Serbisë, ka mbajtur një fjalim të gjatë sot. Natyrisht, si zakonisht ai ka folur edhe për situatën në Kosovë, e posaçërisht për vendimin e kryeministrit Albin Kurti për emërimin e Nenad Rashiqit ministër për Komunitete dhe Kthim.
Ai ka thënë se serbët e jugut janë afër vendimit për të lëshuar institucionet e Kosovës në pjesën jugore, raporton Kossev.
Tutje, ai ka thënë se serbët janë afër të vendosin për të mos lejuar askënd të hyjë në veri.
“Por vështirë se e ndiejmë atë që ndiejnë njerëzit tanë në Kosovë. Por meqenëse kam raporte nga të gjitha shërbimet e ndryshme të mundshme dhe flas me njerëzit tanë, e di që njerëzit tanë po ziejnë”, tha Vuçiq.
