Xavi Hernandez është rikthyer në Barcelonë, por tani si trajner i katalonasve dhe po kërkon që të ndikojë në përmirësimin e gjendjes së klubit. Afati kalimtar i janarit do të jetë i zënë për Barcelonën dhe Xavin që raportohet se po kërkon të “peshkojë” te Chelsea.
Legjenda e Barcelonës po kërkon të huazojë disa lojtarë dhe ka identifikuar tre nga Chelsea: Christian Pulisic, Hakim Ziyech dhe Callum Hudson-Odoi. Sipas Diario Sport, Barcelona po monitorojnë treshen, që nuk kanë minutazhë të mjaftueshme nën drejtimin e Thomas Tuchel. Huazimi mund t’i përshtatej të dy palëve, pasi Barcelona synon të forcojë opsionet e saja sulmuese, ndërsa Chelsea mund të përfitojë nga rritja e tyre në një klub ku mund të luajnë më shumë.
