Një yll i Brazilit në Kampionatin Botëror duket i panjohur në një fotografi si i vogël gjatë kohës sa ishte pjesë e Santos.
Fëmija shfaqet duke pozuar përkrah heroit të tij të fëmijërisë, Neymar, gjatë ditëve kur ishin në klubin brazilian.
Të dy shfaqen me këmisha të zeza me krah të shkurtër të Santosit, pranë njëri-tjetrit dhe të dy i kanë gishtat e ngritur lart.
Neymar u largua nga Santosi në vitin 2013 në moshën 21 vjeçare në transferimin e shumëpërfolur te Barcelona.
Dhe bashkëlojtari i tij i ardhshëm te Selecao – i etiketuar si ‘Neymari i ardhshëm’ – që është nëntë vjet më i ri, mësohet të ketë pasur 12 vjet në kohën kur është bërë fotografia.
Padyshim se ai duket paksa i mahnitur kur është fotografuar me Neymarin dhe mezi ia del të buzëqeshë.
Dhe sot, në vitin 2022 (kur kanë kaluar nëntë vjet nga ajo fotografi), ai është yll i Real Madridit dhe i Brazilit dhe ka shumë vetëbesim.
Prej se iu bashkuar Realit për afro 47 milionë euro në vitin 2019, tash 21-vjeçari ka shijuar momentet më të mëdha me fanellën e Los Blancos në edicionin e kaluar duke shënuar gola vendimtar ndaj Interit dhe Chelseat, e sidomos me realizimet ndaj Manchester Cityt që e kualifikoi Madridin në finale për ta mposhtur Liverpoolin dhe për t’iu gëzuar trofeut të Ligës së Kampionëve.
Aktualisht është duke shkëlqyer në ‘Katar 2022’ me Brazilin dhe është kualifikuar në çerekfinale, ku të premten luan ndaj Kroacisë.
Djaloshi ‘i mistershëm’ është, kuptohet Rodrygo.
Ai kaloi tetë vjet duke u zhvilluar me klubin e fëmijërisë, Santos, përpara se të transferohej në Spanjë, duke ndjekur gjurmët e Neymar.
