Ministri i Shëndetësisë Armend Zemaj priti sot në takim Ambasadorin e Republikës Federale të Gjermanisë , Joern Rohde, me të cilin ka këmbyer informata sa i përket situatës epidemiologjike me Covid-19 në dy shtetet, shkruan Kosova Post.
Siç njofton kumtesa, ministri Zemaj tha se Kosova, Gjermania, por edhe i tërë globi tashmë kanë vu në funksion të gjithë mekanizmat shtetëror për të vetmin qëllim, që t’ia dalin karshi pandemisë.
“Statistikat e të infektuarve me infeksionin Covid -19, janë tejet shqetësuese për vendin tonë dhe kontinentin, prandaj këmbimi i përvojave në menaxhimin e situatës, sikur edhe përkrahja e Gjermanisë për Kosovën, është shumë e rëndësishme.
Ministri Zemaj falënderoi Ambasadorin për përkrahjen dhe partneritetin e ofruar, duke ritheksuar se Kosova dhe populli i saj janë të bekuar me gatishmërinë që kanë popujt dhe shtetet mike për të na ndihmuar në këtë kohë të vështirë.
Ai e ka informuar ambasadorin Rohde edhe për mobilizimin e kapaciteteve njerëzore dhe infrastrukturën shëndetësore për t´iu përgjigjur nevojave të kësaj vale të infeksionit.
