Në kujtim të 25 vjetorit të masakrës së qytetit të Skenderajt, familjarët, kryetari i Komunës së Skenderaj Fadil Nura me bashkëpunëtorë kanë bërë homazhe në nderim të viktimave tek lapidari , Pishat e Qytetit, përcjell Kosova Post.
Ndërsa ka kujtuar viktimat e qytetit, kryetari Nura shprehet se të gjitha viktimat e asaj ngjarjeje të llahtarshme të shkaktuar nga forcat policore e ushtarake serbe, na kujtojnë se rruga deri te liria e pavarësia e Kosovës, ishte e mundimshme me shumë sakrifica e vuajtje të populli tonë.
Postimi i plotë i kryetarit Nura në Facebook
Sot, në 25 vjetorin e Masakrës së Qytetit, kujtojmë me respektin më të lartë të gjitha viktimat e asaj ngjarjeje të llahtarshme të shkaktuar nga forcat policore e ushtarake serbe, për të na bërë të vetëdijshëm se rruga deri te liria e më vonë edhe te pavarësia e Kosovës, ishte e mundimshme me shumë sakrifica e vuajtje të popullit tonë!
Lavdi e përjetshme të gjithë dëshmorëve dhe martirëve të lirisë së Kosovës!
