Intelektuali dhe profesori universitar nga Tirana, Hysamedin Feraj, ka shkruar një postim në Facebook lidhur me dialogun mes Kosovës dhe Serbisë, raporton KosovaPost.
Ai ka shkruar se po zhvillohet një garë në këtë dialog, për faktin se presidenti Biden, ka në fokus njohjen reciproke përmes dialogut, kurse president serb, Vuçiq vazhdon me kërkesën e tij për Asociacionin.
“Vendosja e agjendës (“agenda setting”) është burim dhe tregues pushteti.
Kosova mbështetet dhe mbështet “pushtetin Biden” në vendosjen e agjendës së bisedimeve”, shkruan ai.
Postimi i plotë:
Gara për vendosjen e agjendës së dialogut Kosovë-Serbi:
■ Sipas presidentit amerikan, Biden, programi i dialogut duhet të ketë në qendër njohjen reciproke;
■ Sipas presidentit serb, Vuçiq, programi i dialogut duhet të ketë në qendër krijimin e asocacionit.
Vendosja e agjendës (“agenda setting”) është burim dhe tregues pushteti.
Kosova mbështetet dhe mbështet “pushtetin Biden” në vendosjen e agjendës së bisedimeve.
Shpresoj që presidenti Biden të mbështetet po ashtu nga administrata e tij, edhe nga i dërguari i DASH, Gabriel Escobar, si dhe ambasadorët Christopher R. Hill dhe Jeffrey Havonier.
Filloi viti i ri.
